पूर्वसांसद ढाकाकुमार श्रेष्ठ पक्राउ

फाइल फाेटाे

काठमाडौँ -  पूर्वसांसद ढाकाकुमार श्रेष्ठ पक्राउ परेका छन् । लागूऔषध बिक्री गरेको आरोपमा प्रहरीले उनलाई पक्राउ गरेको जिल्ला प्रहरी कार्यालय कास्कीका प्रमुख एसपी मोहन थापाले जानकारी दिए ।

लागू औषधसहित पक्राउ परेका एक युवकले उक्त लागूऔषध श्रेष्ठको औषधि पसल दिया फार्मेसीबाट खरिद गरेको बयान दिएका थिए । 

रोल्पा घर भई पोखरा बस्ने ४२ वर्षका प्रकाश थापामगरलाई लागू औषध ट्रुपाइनको ९७ चक्कीसहित गत साउनमा प्रहरीले पक्राउ गरेको थियो ।

त्यसपछि श्रेष्ठविरुद्ध जिल्ला अदालत कास्कीले पक्राउ पुर्जी जारी गरेको थियो । आज उनलाई प्रहरीले नियन्त्रणमा लिएको हो ।