बागमती प्रदेश खेलकुद विकास परिषद्‌को सदस्य सचिवमा लामा नियुक्त

काठमाडौँ- बागमती प्रदेशको प्रदेश खेलकुद विकास परिषद्‌को सदस्य सचिवमा दिपक लामा नियुक्ति भएका छन् । बुधबार बसेको बागमती प्रदेशको मन्त्रिपरिषद्‌को बैठकले लामालाई खेलकुद विकास परिषद्‌को सदस्य सचिवमा नियुक्त गरेको हो ।

नुवाकोट बेलकोटगढी-७ का लामालाई ५ वर्षका लागि सदस्य सचिवमा नियुक्त गरेको मुख्यमन्त्री तथा मन्त्रिपरिषद्‌ कार्यालयका प्रमुख सचिव गोविन्द बहादुर कार्कीले जानकारी दिए ।  

उनका अनुसार प्रदेश खेलकुद ऐन २०७५ को दफा ३ को उपदफा २ को खण्ड ञ अनुसार लामालाई नियुक्त गरिएको हो ।