'भारतसँग खेल्दा दबाब महसुस भएन'

काठमाडौं : अस्ट्रेलियाले भारतविरुद्ध जित दर्ता गर्दा प्रभावशाली प्रदर्शन गरेका स्टिभ स्मिथले भ्रमणकारी टीमसँग खेल्दा खासै दवाबको सामना गर्नु परेको बताएका छन् । सिड्नीमा भएको खेलमा ब्याट्सम्यान स्मिथले ६६ बलको सामना गर्दै १ सय पाँच रन बनाएका थिए । स्मिथको शतकसँगै घरेलु टीम अस्ट्रेलियाले पहिलो ओडिआईमा भारतलाई ६६ रनले पराजित गर्‍यो ।

‘यस खेलमा मैले बलियो लय समाते । तर भारतसँग खेल्दा हुने दवाब यो पटक महसुस भएन,’ खेलपछि स्मिथले भने । भ्रमणकारी टीमविरुद्धको जितमा अस्ट्रेलियन कप्तान एरोन फिन्चले डेभिड वारनरसँग मिलेर १ सय ५६ रनको साझेदारी बनाए । जसका कारण अस्ट्रेलिया बाँकी खेलमा आत्मविश्वासी देखियो ।

यता स्मिथले कप्तान फिन्च र वारनरले टीमका लागि बलियो सुरुवात गरेकाले पनि आफुले निर्धक्क खेल्न सकेको बताए । ‘फिन्च र वारनरले खेलमा जितका लागि जग बसालिसकेको अवस्थामा मैले ढुक्कसँग ब्याटिङ गर्न पाएकाले नै शतक हिर्काउन सकेको हो,’ स्मिथले भने ।

ओपनिङ राम्रो भएका कारण पनि खेलमा अरुबेला जस्तो आफुलाई दवाब महसुस नभएको स्मिथको भनाई थियो । ‘टीम दवाबमा भएका बेला आफ्नो लय जति नै बलियो भएपनि दवाब महसुस हुन्छ नै । त्यस्तो अवस्थामा टीमका लागि आफुले ‘एन्कर’ को भुमिका निर्वाह गनुपर्ने हुन्छ । तर यस पटक खेल फरक तरिकाले अघि बढ्यो,’ स्मिथले थपे । तीन खेलको श्रङखलामा अस्ट्रेलियाले १-० को अग्रता लिएको छ । अब दोस्रो खेल आइतबार हुनेछ । (अन्तराष्ट्रिय सञ्चार माध्यमहरूको सहयोगमा)