सकियो नेकपा सचिवालय बैठक

काठमाडौं : सत्तारुढ नेपाल कम्युनिस्ट पार्टी (नेकपा) को सचिवालय बैठक सकिएको छ । शनिबार बिहानदेखि बालुवाटारमा जारी सचिवालय बैठक सकिएको हो । 

कात्तिक २८ गते पार्टी अध्यक्ष पुष्पकमल दाहालले प्रस्ताव पेस गरेकाे १० दिनपछि यो बैठक बसेको थियो। निकै महत्वका साथ हेरिएको यो बैठकमा प्रधानमन्त्री समेत रहेका नेकपा अध्यक्ष केपी शर्मा ओलीले दाहालको पत्रमाथि बुँदाबुँदामा जवाफ दिएका थिए । 

सचिवालयको अर्को बैठक मंगलबार बस्‍ने तय गरिएको नेकपाका प्रवक्ता नारायणकाजी श्रेष्ठले जानकारी दिए ।