सिन्धुलीका तटीय क्षेत्रमा बाढीको जोखिम

काठमाडौँ : पछिल्लो ६ घण्टादेखि भारी वर्षा भइरहेकाले सिन्धुलीका तटीय क्षेत्रमा बाढी तथा डुबानको जोखिम बढेको छ । बाढी पुर्वानुमान महाशाखाले नदी तटीय क्षेत्रमा बाढी आउन सक्ने भएकाले जोखिम बढेको जनाएको हो ।

बुधबार रातीदेखि भारी वर्षा भइरहेकाले बिहीबार दिउँसोसम्म सिन्धुलीका विभिन्न तटीय क्षेत्रमा डुबानको सम्भावना बढेको महाशाखाले जनाएको छ । सिन्धुलीका मरिन, कुसुन्तार, बागमती राईगाँउ, मधेरादोभान लगायतका ठाउँमा भारी वर्षा मापन भएकाले तटीय क्षेत्रमा बाढी आउन सक्ने भन्दै बाढी पुवार्नुमान महाशाखाले सतर्कता अपनाउन आग्रह गरेको छ ।