गोकर्णेश्वरमा स्कुटर दुर्घटना हुँदा एकको मृत्यु

सांकेतिक तस्विर

काठमाडौंको गोकर्णेश्वर नगरपालिका– ८ माकलबारीमा गएराति बा.प्र ०२–०१४ प २७२६ नम्बरको स्कुटर अनियन्त्रित भई दुर्घटना हुँदा एक जनाको मृत्यु भएको छ।

दुर्घटनामा गोकर्णेश्वर नगरपालिका– ७ दक्षिणढोका बस्ने सिन्धुपाल्चोक स्याउले घर भएका २१ वर्षीय दिनेश तामाङको मृत्यु भएको प्रहरीले जनाएको छ। दुर्घटनामा गम्भीर घाइते भएका उनको शंखरापुर अस्पताल नारायणटारमा उपचारको क्रममा मृत्यु भएको हो।