मिस टिन नेपाल २०२४ का सहभागीको 'ट्यालेन्ट शो ' सम्पन्‍न

काठमाडौँ- मिस टिन नेपाल २०२४ का प्रतियोगीहरुले आ-आफ्नो प्रतिभा प्रदर्शन गरेका छन् ।

ट्यालेन्ट शो राउन्ड अन्तर्गत उनीहरुले शनिवार एक कार्यक्रमबीच कला देखाएका हुन् । मिस टिन नेपालको यस संस्करणमा १६ जना सुन्दरीले प्रतिस्पर्धा गरिरहेका छन् ।

प्रतियोगीहरुले नृत्य, गायन, बक्तृत्वकला लगायतका कला प्रस्तुत गरेका थिए । सो कार्यक्रममा ‘काठमाडौं जेसिस’ का अध्यक्ष एन्जिला खडका, पूर्व अध्यक्ष सुमन महर्जन, कार्यकारिणी उपाध्यक्ष नारायण अचार्य, सचिव श्याम घिमिरे, कोषाध्यक्ष करुणा थापा, उपाध्यक्ष रितिज कार्कि रहेका थियो ।

साथै मिस टिन नेपाल–२०२१ अदिति कोइराला उपस्थित रहेको थियो । सो कार्यक्रमको कोरियोग्रफर सुगारिका केसि गरेका थिए भने कार्यक्रमको संचालन अदिति कोइरालाले गरेका थिए ।

जजमा टेन एक्स क्लबका सिइओ पौरखमर्दन बस्न्यात, काठमाडौँ जेसीजका पूर्व अध्यक्ष सुमन महर्जन, सिङ्स लाउन्जका म्यानिजेङ डाइरेक्टर सोबर वाङदेन, कवी किशोर घिमिरे र कोरियोग्राफर तथा अभिनेत्री तेन्जु योन्जन रहेका थिए ।