मोरङको ग्रामथान गाँउपालिकाको अध्यक्षका लागि १७ जनाको मनोनयन दर्ता

काठमाडौँ - मोरङको ग्रामथान गाँउपालिकाको अध्यक्ष पदको उपनिर्वाचनका लागि दुई जना स्वतन्त्र सहित १७ जनाले मनोनयन दर्ता गरेका छन् । 

आइतबार प्रमुख राजनीतिक दलहरु नेपाली कांग्रेस, नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी लगाएत साना दलहरुले आ–आफ्नो उम्मेदवारी दर्ता गराएका हुन् । केन्द्र तथा प्रदेशमा विभिन्न गठबन्धन भएपनि अध्यक्ष पदका लागि अधिकांश दलहरुले छुट्टाछुट्टै उम्मेदवारी दिएका छन् ।

निर्वाचन कार्यतालिका अनुसार मंसिर ५ गते उम्मेदवारको अन्तिम नामावली प्रकाशन र निर्वाचन चिन्ह प्रदान गर्ने कार्यक्रम रहेको प्रमुख निर्वाचन अधिकृत एवम् जिल्ला न्यायाधीश उद्धव प्रसाद भट्टराईले जानकारी दिए । 

उम्मेदवारहरु बाजागाजा र जुलुस सहित ग्रामथान गाँउपालिकामा रहेको प्रमुख निर्वाचन अधिकृतको कार्यालयमा मनोनयनका लागि पुगेका थिए ।

गत असार ३ गते ग्रामथान गाँउपालिकाका तत्कालिन अध्यक्ष जयप्रकाश गच्छदारको मृत्यु भएपछि अध्यक्ष पदका लागि उपनिर्वाचन हुन लागेको हो । ग्रामथान गाँउपालिकामा २६ हजार ४४ मतदाता रहेका छन् ।