पुथा उत्तरगंगा गाउँपालिकामा मत गणना सुरू

काठमाडौँ- रूकुम पूर्वको पुथा उत्तरगंगा गाउँपालिकाको उपाध्यक्ष पदका लागि भएको उपनिर्वाचनको मतगणना सुरू भएको छ । सोमबार बिहान पौने १० बजेदेखि मतगणना सुरू भएको हो ।

गाउँपालिकाको उपाध्यक्ष पदमा नेकपा (माओवादी केन्द्र)बाट नरपुरा बुढा र नेकपा (एमाले)की केशकुमारी तुलाचनबीच प्रतिस्पर्धा हुने देखिएको छ ।

एमालेकी तुलाचनले कांग्रेसको रूख चिह्नबाट चुनावमा लडेकी हुन् ।

उपनिर्वाचनमा ५९३२ मत खसेको थियो ।

यसअघि गाउँपालिकाको उपाध्यक्ष माओवादीकी भूपेन्द्रा बुढा निर्वाचित भएकी थिइन् ।