एनपीएल : कर्णाली याक्सलाई जित्यो काठमान्डु गुर्खाजले

काठमाडौँ- नेपाल प्रिमियर लिग (एनपीएल)मा कर्णाली याक्सविरूद्ध काठमान्डु गुर्खाजले जित निकालेको छ । बुधबार बिहान कीर्तिपुरस्थित टीयु मैदानमा भएको खेलमा काठमान्डु गुर्खाजले ३ विकेटले जित निकालेको हो । 

काठमान्डुका कप्तान करण केसीले टस जितेर फिल्डिङ गर्ने निर्णय लिएका थिए ।

कर्णालीले काठमान्डुलाई जितका लागि ५ विकेटको क्षतिमा १५० रनको लक्ष्य दिएको थियो । उक्त लक्ष्यलाई पछ्याएको काठमान्डुले १९.३ ओभरमा ७ विकेटको क्षतिमा १५३ रन बनाएको हो ।

कर्णाली याक्सका शिखर धवनले शानदार ब्याटिङ गरेका छन् । धवनले ५१ बलमा ७२ रन बनाएका थिए ।