सन्नी देओलको दाबीः 'रामायण'ले हलिउड फिल्म ‘अवतार’लाइ नि माथ खुवाउँछ

मुम्बई - ब्रह्मास्त्र’ पछि रणवीर कपुरका फ्यानहरु उनको अर्को फिल्म ‘रामायण’ को लागि उत्सुकताका साथ पर्खिरहेका छन् । 

फिल्ममा रणवीर भगवान रामको भूमिकामा देखिनेछन् । जसका लागि उनी निकै उत्साहित छन् । केही समयअघि चलचित्रको बारेमा कुरा गर्दै अभिनेताले नितिश तिवारीको निर्देशनमा बन्न लागेको यो बहुप्रतिक्षित चलचित्र २ भागमा बन्ने बताएका थिए, जसमध्ये पहिलो भागको छायांकन सकिएको छ । 

अब सनी देओलले पनि फिल्मसँग सम्बन्धित केही विशेष जानकारी सेयर गरेका छन् । हालै रणबीर कपुरले ‘रामायण’ को बारेमा कुरा गरेर मानिसहरूसँग फिल्मको बारेमा जानकारी साझा गरेका थिए । त्यसपछि सनी देओलले एक अन्तर्वार्तामा यसबारे कुरा गरेर मानिसहरूको उत्साहलाई स्तर बढाएका छन्। रिपोर्टका अनुसार सनी देओल रामायणमा भगवान हनुमानको भूमिका निभाइ रहेका छन् ।

फिल्मको बारेमा कुरा गर्दै सनी देओलले यो फिल्म एकदमै उच्च स्तरमा बनिरहेको बताएका छन् । उनको दाबी छ, ‘रामायण हलिउड फिल्म जस्तै हुनेछ ।’
सन्नी देओलले हालै इन्डियन एक्सप्रेससँग कुरा गर्ने क्रममा यो बताएका हुन । उनले हलिउड फिल्म ‘अवतार’ र ‘प्ल्यानेट अफ द एप्स’ जस्तै फिल्म बनाउने तयारीमा रहेको बताए ।

उनले यी चलचित्रका प्राविधिकहरु यस चलचित्को हिस्सा रहेको बताए । उनले चलचित्रलाई कसरी बनाउने र आफ्नो पात्रलाई कसरी जनतासामु प्रस्तुत गर्ने भन्ने विषयमा चलचित्रका लेखक तथा निर्देशक प्रष्ट रहेको बताए । जसरी चलचित्र निर्माण भइरहेको छ, त्यसले दर्शकलाई स्पेशल इफेक्ट पाउने दाबी गरिएको छ । 

यी इफेक्टहरूबाट दर्शकले यो सम्पूर्ण घटना वास्तवमा भएको जस्तो महसुस गर्नेछन्। उनले चलचित्र उत्कृष्ट बनेको र सबैले मन पराउने समेत दाबी गरेका छन् ।  साउथ अभिनेत्री साई पल्लवीले ‘रामायण’ मा सीताको भूमिका निभाएकी छिन् भने यशले रावणको भुमिकामा देखिने भएका छन् । 

सन्नी देवोलको अहिलेको कुरा गर्ने हो भने आफ्नो आगामी फिल्म  ‘लाहौर १९९७’ र  ‘जाट’ मा व्यस्त छन् । यी दुवै फिल्म सन् २०२५ मा रिलिज हुँदैछ ।