सिरियाका बिद्रोहीले गरे असदका पिताको चिहानमा आगजानी

दमास्कस - सिरियामा नयाँ अन्तरिम सरकार बने पनि त्यहाँ अझै स्थिति सामान्य भएको छैन ।

राष्ट्रपति बसर अल असदको शासनकालविरूद्ध विद्रोह गरेका समूहले अझै पनि रिस शान्त गर्न सकेका छैनन् ।

हालै ती सिरियाली विद्रोहीले राष्ट्रपति बसर अल असदका पिताको चिहानमा आगजनी गरेका छन ।

विद्रोहीले उत्तरपश्चिममा रहेको सिरियाका पूर्व राष्ट्रपति हाफेज असदको गृहनगरमा रहेको उनको चिहानमा आगजनी गरेका छन् । तर, इस्लाममा मृत शरीरमा आगजानी गरिँदैन, त्यसलाइ पुरिन्छ । त्यही शव पुरिएको चिहानमा विद्रोहीहरुले आगजानी गरेका हुन् ।​

हाफेज असदले २००२ सम्म अर्थात आफ्नो मृत्यु नहुँदासम्म सिरियामा ३० वर्ष लामो शासन गरेका थिए । उनको मृत्यु पछि मात्रै उनका छोरा बशर उत्तराधिकारीको रूपमा राष्ट्रपति भएका हुन ।​

विद्रोहीले यसै साता सिरियामा कब्जा जमाए पछि राष्ट्रपति भागेर रूस पुगेका छन भने सिरियामा विद्रोही नेता मोहम्मद अल बसिर अन्तरिम प्रधानमन्त्री बनेका छन ।