जुवातास खेलिरहेको अवस्थामा १५ जना पक्राउ

सांकेतिक फोटो

काठमाडौं - जुवातास खेलिरहेको अवस्थामा १५ जना पक्राउ परेका छन्। बुधबार प्रहरीले दुई स्थानमा छापा मार्दै यी व्यक्तिहरूलाई नियन्त्रणमा लिएको हो।

पहिलो घटना टोखा नगरपालिका-१० गोंगबु गणेशस्थानस्थित ६० वर्षीय युवराज शाहीको घरमा भएको थियो । जुवातास खेलिरहेको अवस्थामा युवराजसहित ७ जनालाई नगद ७२ हजार ५ सय रुपैयाँ र ४ बुक ताससहित पक्राउ गरियो। यो कार्य प्रहरी वृत्त महाराजगंजबाट खटिएको टोलीले गरेको हो।

अर्को घटना ललितपुर महानगरपालिका-१४ तिखिदेवल स्थित चमन सिंह घलेको घरमा राती भएको थियो । जहाँ ३६ वर्षीय लोर बहादुर गुरूङसहित ८ जना पक्राउ परे। जिल्ला प्रहरी परिसर ललितपुरबाट खटिएको टोलीले उनीहरूलाई नगद २ लाख २४ हजार ६ सय ७५ रुपैयाँ र १३ बुक ताससहित नियन्त्रणमा लिएको हो।

प्रहरीले जुवातास खेल्ने र सञ्चालन गर्ने गतिविधिहरूमा संलग्नहरूका बारेमा थप अनुसन्धान अघि बढाएको छ।