जनकपुरलाई ३२ रनले पराजित गर्दै चितवन राइनोज विजयी

काठमाडौँ - काठमाडौंमा जारी नेपाल प्रिमियर लिग (एनपिएल)अन्तर्गत शनिबार भएको दोस्रो खेलमा जनकपुरलाई ३२ रनले पराजित गर्दै चितवनले पनि प्लेअफ प्रवेशको सम्भावना कायमै राखेको छ । 

चितवनले दिएको १ सय ८१ रनको बलियो लक्ष्य पछ्याएको जनकपुरले १८ ओभरमा अलआउट हुँदै १ सय ४८ रन मात्र बनाउन सक्यो ।  त्यसअघि टस जितेर ब्याटिङ गरेको चितवनले निर्धारित २० ओभरमा ५ विकेट गुमाएर १ सय ८० रनको योगफल तयार गरेको थियो ।

प्रतियोगीता अन्तर्गत आइतबार हुने पहिलो खेलमा विराटनगर किंग्स र काठमाडौं गोर्खाज तथा दोस्रो खेलमा पोखरा र सुदूरपश्चिम रोयल्स्बीच प्रतिष्पर्धा हुने क्यानले जनाएको छ ।