विराटनगर किंग्सले काठमान्डु गुर्खाजलाई दियो जितका लागि ११८ रनको लक्ष्य

काठमाडौँ- नेपाल प्रिमियर लिग (एनपीएल)मा विराटनगर किंग्सले काठमान्डु गुर्खाजलाई जितका लागि ११८ रनको लक्ष्य दिएको छ । आइतबार बिहान त्रिवि मैदान कीर्तिपुरमा भएको खेलमा १९.५ ओभरमा अलआउट हुँदै विराटनगर किंग्सले ११७ रन बनाएको हो ।

काठमान्डुका कप्तान करण केसीले टस जितेर बलिङ रोज्दै विराटनगर किंग्सलाई ब्याटिङको निम्तो दिएका थिए ।

विराटनगर किंग्समा लोकेश बम, निकोलस किर्टोन, स्कट एडवार्ड्स, राजेश पुलामी, बसिर अहमद, दिपक बोहरा, क्रिस सोल, सन्दीप लामिछाने, सुवास भण्डारी, इस्मत आलम, अनिल खरेल रहेका छन् ।

काठमान्डु गुर्खाजमा स्टेफेन इस्किनाजी, माइकल लेभिट, भीम शार्की, जेरार्ड एरासमस, शंकर राना, प्रतिक श्रेष्ठ, रासिद खान, करण केसी, शाहब आलम, दिपेश कँडेल, डान डौथवेट रहेका छन् ।