सुदूरपश्चिम ५ रनले विजयी हुँदै प्लेअफमा गर्यो स्थान सुरक्षित

काठमाडौं - पोखरा एभेन्जर्सलाई पराजित गर्दै सुदूरपश्चिम रोयल्सले बाजी मारेको छ ।

नेपाल प्रिमियर लिग (एनपीएल) ५ रनले विजयी हुँदै प्लेअफमा स्थान पक्का गर्ने दोस्रो टिम बनेको छ । यसअघि जनकपुरले प्ले अफमा स्थान सुरक्षित गरेको हो । 

त्रिभुवन विश्वविद्यालय, किर्तिपुरस्थित क्रिकेट मैदानमा भएको दोस्रो खेलमा सुदूरपश्चिमले पोखरामाथि ५ रनको हार दिलाएसँगै उसले आफ्नो गतिलो कौशल प्रदर्शन गरेको छ । टस जितेर बलिङ रोजेको सुदूरपश्चिमले दिएको १ सय ५४ रनको लक्ष्यलाई पुरा गर्न नसकी पोखरा १९.४ ओभरमा १ सय ४८ रन बनाउँदै अल आउट भएको थियो ।

 पोखराका लागि आन्द्रेश गौसले सर्वाधिक ३६ रन जोडेका थिए, जसमा उनले २१ बलमा ४ चौका र २ छक्का प्रहार गर्न सफल भए । त्यसो त पोखराका कप्तान कुशल भुर्तेल रनको खाता नै नखोली आउट भए पछि सुदूरपश्चिमलाइ थप साहास मिलेको थियो । 

त्यसअघि टस हारेर पहिले ब्याटिङ गरेको सुदूरपश्चिमले निर्धारित २० ओभरमा ७ विकेट गुमाएर १ सय ५३ रनको योगफल तयार पारेको थियो ।

सुदूरपश्चिमका लागि आरिफ शेखले सर्वाधिक ४२ रन जोडे । उनले ३८ बलमा २ चौका र १ छक्का प्रहार गरे । ब्राण्डन मक्मुलनले १६ बलमा १ चौका र २ छक्काको सहयोगमा २३ रन जोडे । उनी पोखराका कप्तान कुशल भुर्तेलको बलमा सागर ढकालबाट क्याच आउट भए ।