जसले पैसा लिएर श्रीमतीलाई ७२ पटक बलात्कार गराए

सांकेतिक तस्बिर

काठमाडौँ- तपाईंलाई फ्रान्सको घटना याद होला, जसमा एक व्यक्तिले आफ्नी श्रीमतीलाई आफ्ना चिनेजानेकासँग ७२ पटक बलात्कार गराएका थिए । 

अहिले यी व्यक्तिले अदालतमा श्रीमतीको खुब तारिफ गरिरहेका छन् र आफ्नो गल्तीको लागि परिवारसँग रूदैँरूदैँ माफी मागिरहेका छन् ।

यदि अदालतले डोमिनिक पेलिकोटलाई सजाय दियो भने उनलाई २० वर्षको आजीवन कारावासको सजाय हुनेछ ।

डोमिनिक पेलिकोटले आफ्नी पूर्व पत्नी गिसेललाई १० वर्षसम्म लागूऔषध खुवाएर दर्जनौं पुरुषले उनलाई बलात्कार गराएका थिए । यो कुरा अहिले अदालतमा उनले स्वीकार पनि गरेका छन् र माफी पनि मागेका छन् ।

सोमबार डोमिनिकले आफ्नो परिवारलाई उनलाई माफ गर्न आग्रह गरेका थिए र परीक्षणको क्रममा आफ्नी पूर्वपत्नीको साहसको पनि प्रशंसा गरेर नाटक पनि गर्न भ्याएका छन् ।

तर, उनकी श्रीमती गिजेल एक यस्तो साहसी महिला हुन्, जसले यति धेरै यातना दिँदा पनि आफूलाई लुकाउन सकिनन्, बरु अगाडि आएर आफ्नो पतिको सारा कर्तुतको पर्दाफास गरि दिइन् र आफ्नो अनुहार पनि सारा संसारमा उजागर गरिन् । उनी विश्वभर एक उत्कृष्ट उदाहरणका रूपमा परिचित भएको भन्दै अहिले फ्रान्सेलीहरू तारिफ गरिरहेका छन् । गिसेल अहिले ७२ वर्षकी भइन् ।

पेलिकोटले उनलाई निद्राको चक्की दिएर बेहोस बनाउँथे । त्यसपछि उसले धेरै पुरुषलाई बलात्कार गर्न लाइनमा उभ्याउँथे । नशाका कारण अचेत भएकी गिजेल पहिलो पटक अदालतमा हाजिर हुँदा धेरै कुरा याद गर्न सकेकी थिइनन् ।

उनले भनेका थिइन्, ‘श्रीमानले घटना घटनुभन्दा पहिला मलाई पुतलीजस्तै व्यवहार गर्दथे तर जब म नशामा लठ्ठ हुन्थे तर अरू नै मसँग आइसकेको हुन्थ्यो, यो कुरा धेरैपछि मलाई थाहा भयो ।’

अहिले फ्रान्सेली प्रहरीले श्रीमानको कम्प्युटरबाट हजारौं फोटो, भिडियो र प्रमाण पनि फेला पारेको छ, जहाँ उनीमाथि भएको दुर्व्यवहारका बारेमा धेरै प्रमाणहरू भेटिएका छन् । धेरै फ्रान्सेलीले उनलाई माफी होइन, आजिवन काराबासमा लैजानुपर्ने भन्दै जोड गरिरहेका छन् ।