जनकपुरलाई ८ विकेटले पराजित गर्दै सुदूरपश्चिम फाइनल प्रवेश

काठमाडौं - सुदूरपश्चिम रोयल्ससँग जनकपुर बोल्टस् पराजित भएको छ । 

जनकपुर बोल्ट्सलाई पराजित गर्दै सुदूरपश्चिम रोयल्स नेपाल प्रिमियर लिग (एनपीएल) को फाइलनमा प्रवेश गरेको छ । सुदूरपश्चिम एनपिएलको फाइनलमा प्रवेश गर्ने पहिलो टोली हो । 

त्रिभुवन विश्व विद्यालय, किर्तिपुरस्थित  क्रिकेट मैदानमा भएको पहिलो क्वालिफायरमा जनकपुरलाई ८ विकेटले हराउँदै सुदूरपश्चिम फाइनलमा स्थान सुरक्षित गरेको हो ।

जनकपुरले दिएको १४० रनको लक्ष्य पछ्याएको सुदूरपश्चिमले १८ ओभर ३ बलमा २ विकेट गुमाएर पुरा गरेको छ ।