सुखीपुरमा चौथो नगर कप टि–२० क्रिक्रेट प्रतियोगिता हुने

सांकेतिक फोटो

सिरहाको सुखीपुर नगर स्तरीय चौथो नगर कप टि–२० क्रिक्रेट प्रतियोगिता हुने भएको छ ।  ‘स्वास्थ्यका लागि खेलकुद, नगरका लागि खेलकुद’ भन्ने नाराका साथ यही पुस ७ गतेदेखि उक्त प्रतियोगिता सञ्चालन हुने भएको हो । 

नगर सुधार समिति सुखीपुरको आयोजना र स्थानीय क्रिकेट क्लबको व्यवस्थापनमा प्रतियोगिता हुने समितिका संयोजक भुवन यादवले जानकारी दिए। उनका अनुसार सुखीपुर नगरका १० वटै वडाले आफ्नो खेलाडी समूह सहभागी गराउने छन् । प्रतियोगिताको लागि अहिले खेल अभ्यास  गराउँदै आएको संयोजक यादवले जानकारी दिए। प्रतियोगिता बाट उत्कृष्ट खेलाडीको पहिचान गरिने र उनीहरुको विकासमा नगरले ध्यान दिने नगरप्रमुख रामऔतार यादवले बताए । 

त्यसैगरी उनले खेलको व्यवसायीकरण बाट नगरको प्रतिष्ठा र गौरव बढाउन सकिने भएकाले प्रत्येक वर्ष प्रतियोगिता सञ्चालन गर्दै आएको पनि जानकारी दिए ।