एनआईसी एसिया बैंकका सञ्चालक संघई महासंघको उपाध्यक्ष निर्वाचित

काठमाडौं: एनआईसी एसिया बैंकका सञ्चालक तथा उद्यमी रामचन्द्र संघई देशभरका उद्यमी तथा व्यावसायीहरुको छाता संस्था नेपाल उद्योग वाणिज्य महासंघको एशोसिएटतर्फको उपाध्यक्षमा निर्वाचित भएकोमा बैंकले शुभकामना दिएको छ । 

‘विगत तीन दशकदेखि विभिन्न उद्योग व्यवसायमा अनवरत रुपमा एक सफल उद्योगी व्यवसायीको रुपमा राष्ट्रको सर्वाङ्गीण आर्थिक तथा सामाजिक विकासमा योगदानको कदर भएको छ,’ बैंकद्वारा जारी विज्ञप्तिमा भनिएको छ । त्रिवेणी ग्रुपका अध्यक्ष संघईले महासंघमा रहेर समग्र निजी क्षेत्रको विकासमा योगदान गर्ने बैंकले उल्लेख गरेको छ । संघईलाई योगदान पु-याए बापत् गत वर्ष नेपाल सरकारले वहाँलाई ‘महत्वपूर्ण व्यावसायिक व्यक्ति’ सम्मानबाट विभूषित गरेको थियो ।