स्वस्थ जीवनका लागि तनाव व्यवस्थापन आवश्यक

शारीरिक र मानसिक स्वास्थ्यका लागि जीवनशैलीमा परिवर्तन आवश्यक रहेको चिकित्सकहरुको भनाइ छ । 

विश्व ध्यान दिवसको अवसरमा कैलाशकुट सामाजिक अभियानले आज काठमाडौंको हाँडिगाउँमा आयोजना गरेको स्वस्थ जीनशैली र तनाव व्यवस्थापन सम्वन्धी जनचेतना अभिबृद्धि कार्यक्रममा शिक्षण अस्पताल महाराजगञ्जका मनोचिकित्सा विभाग प्रमुख डा. सरोजप्रसाद ओझाले बताए।

स्वस्थ जीवनका लागि योग र ध्यानलाई स्वभावका रुपमा विकास गर्न आवश्यक रहेको उनले बताए । स्वस्थ जीवनशैली भनेको आहार, विश्राम र व्यायाम भएको उल्लेख गर्दै डा. ओझाले शारीरलाई सक्रिय र मनलाई शान्त राख्नु पर्ने बताए।

डा. ओझाले तनावलाई दिमागमा राखिराख्दा दीर्घरोग उब्जने भएकाले तनावको छिटो र सहज व्यवस्थान आवश्यक रहेको जोड दिए । मनोचिकित्सक डा. सरोज शाक्यले शरीर र मनमा नकारात्मक प्रभावम पार्ने विषयमा संयम अपनाउन सुझाव दिदै तनावको बेवास्ता नगरी छिटो व्यवस्थापनले दीर्घरोगबाट बचाउने बताए ।

काठमाडौं महानगरपालिका वडा ५ का अध्यक्ष विरेन्द्र प्रजापतिले जीवनलाई सार्थक बनाउन स्वास्थ्य महत्वपूर्ण पक्ष भएकाले वडामा स्वास्थ प्रवर्धन केन्द्र सञ्चालनमा ल्याइएको जानकारी दिए ।

कैलाशकुट सामाकि अभियानका अध्यक्ष महेशकुमार श्रेष्ठले रोग लागेपछि उपचार गर्नेभन्दा रोगै लाग्न नदिनग स्वास्थ्यसम्वन्धी चेतनामूलक कार्यकक्रमा जोड दिइएको बताए ।