बराबरीमा रोकिए नेपाल–भुटान

काठमाडौं -  यु–१९ मैत्रीपूर्ण खेलमा नेपाली राष्ट्रिय महिला टोलीले भुटानविरुद्ध बराबरी खेलेको छ ।

 आइतबार त्रिपुरेश्वरस्थित दशरथ रंगशालामा  भएको खेलमा नेपाल भुटानबीच १–१ को बराबरी भएको हो ।

पहिलो हाफ गोलरहितमा समाप्त भएको थियो । दोस्रो हाफ सुरु भएको दुई मिनेट भित्रै सुशिला केसीले नेपाललाई अग्रता दिलाएकी थिइन् । 

 फुन्ट्शो छोडेनले ८०औं मिनेटमा भुटानका लागि बराबरी गोल फर्काइन् ।