चीनद्वारा इयुको ब्रान्डीमाथिको एन्टी–डम्पिङ जाँच विस्तार

चीन - चीनले बुधवार युरोपेली संघ (इयु) बाट आयात गरिएको ब्रान्डीमाथिको एन्टी–डम्पिङ जाँचलाई ‘मामिलाको जटिलता’ का कारण विस्तार गर्ने बताएको छ । यसले बेइजिङ र ब्रसेल्सबीचको व्यापारिक गतिरोधलाई लम्ब्याएको छ ।​

​इयुले चिनियाँ विद्युतीय सवारी अनुदानको अनुसन्धान गरेपछि जनवरीमा चीनले केही इयु ब्रान्डी आयातमाथि अनुसन्धान सुरु गरेको थियो । 

बेइजिङले सुरुमा ब्रान्डी अनुसन्धान जनवरीमा समाप्त हुने बताएको थियो तर वाणिज्य मन्त्रालयले अब यो अप्रिल ५ सम्म चल्ने बताएको छ । 

मन्त्रालयले थोरै विवरण दिएको छ तर ‘यस मामिलाको जटिलता’ लाई ध्यानमा राख्दै ‘अनुसन्धान अवधि’ लम्ब्याइएको बताएको छ ।

चीनले नोभेम्बरमा घरेलु उद्योगमा ‘पर्याप्त क्षति’ हुने खतरा रहेको भन्दै गत महिना अस्थायी शुल्कको घोषणा गरेपछि इयुबाट आयात हुने ब्रान्डीमा ‘अस्थायी एन्टि–डम्पिङ उपायहरू’ लागु गर्ने बताएको थियो । 

इयुले विश्व व्यापार सङ्गठनमा यी उपायहरूलाई औपचारिक रूपमा चुनौती दिएको छ ।

इयुले चिनियाँ निर्मित विद्युतीय सवारी साधनमा अतिरिक्त आयात शुल्क लगाएपछि बेइजिङको यो कदम ब्रसेल्सविरुद्धको जवाफी कारबाही जस्तो देखिन्छ ।