फाल्गुनन्द गोल्डकप : एनआरटी सेमिफाइनलमा

पाँचथर - फिदिममा जारी एघारौँ फाल्गुनन्द गोल्डकप फुटबल प्रतियोगिताअन्तर्गत आज सम्पन्न क्वाटरफाइनल खेलमा सल्हेश युवा क्लब सिरहालाई टाइब्रेकरमा ५–४ गोलअन्तरले पराजित गर्दै न्यू रोड टिम (एनआरटी) क्लब, काठमाडौँ सेमिफाइनल प्रवेश गरेको छ ।
फिदिम माध्यमिक विद्यालयको खेलमैदानमा जारी प्रतियोगिताअन्तर्गत आज सम्पन्न खेलको निर्धारित समयमा दुवै टोलीबाट गोल हुन नसकेपछि ट्राइब्रेकरमा गएको थियो । टाइब्रेकरमा एनआरटिका कृतिश छुर्ज, अभिषेक लिम्बू, कार्लोस, सरोज तामाङ र अञ्जन विष्टले गोल गरे । सल्हेशका कुलदीप कार्की, विवेक राई, दोर्जे तामाङ र फागुराम थारुले गोल गरेपनि विदेशी खेलाडी हेनरीको प्रहार एनआरटीका गोलरक्षक प्रमिजय गच्छदारले बचाएपछि जित सुनिश्चित भएको थियो ।
आजको खेलको उत्कृष्ट खेलाडी एनआरटीका अभिषेक लिम्बू घोषित भइ रु १० हजार पुरस्कार प्राप्त गरे । क्वाटरफाइनल सकिएपछि सेमिफाइनलको समीकरण पूरा भएको छ । जसअनुसार भोलि शुक्रबार पहिलो सेमिफाइनल खेल आयोजक फिदिम स्पोर्टिङ क्लब र चर्च ब्वाइज युनाइटेड काठमाडौँबीच हुने छ ।
त्यसैगरी शनिबार एनआरटीले मछिन्द्र क्लबको सामना गर्ने छ । फाइनल खेल यही पुस १५ गते हुने छ । प्रतियोगिताका विजेताले रु १० लाख तथा उपविजेताले रु पाँच लाख पुरस्कारसहित ट्रफी प्राप्त गर्ने आयोजक फिदिम स्पोर्टिङ क्लबका अध्यक्ष दीपेन्द्र थापा मगरले जानकारी दिए ।

आफ्नै भाइकी श्रीमतीसँग इंग्ल्यान्डका खेलाडीको ८ वर्षे गोप्य सम्बन्ध खुलासा भएपछि.…

हालान्ड घाइते भएपछि म्यानचेस्टर सिटी तनावमा

इटाली क्वार्टरफाइनलबाटै बाहिरियो

डेनमार्कलाई हराउँदै पोर्चुगल सेमिफाइनलमा

एसियन कप छनोट खेल्न जान लागेका नेपाली राष्ट्रिय फुटबल टिमलाई बिदाइ

सिंगापुर र मलेसियाविरुद्ध खेल्ने राष्ट्रिय फुटबल टिमको घोषणा

सिंगापुर र मलेसियाविरुद्ध खेल्ने राष्ट्रिय फुटबल टिमको घोषणा

प्रतिक्रिया