सुजिता भण्डारी मृत्‍यु प्रकरण : दोषीलाई कारबाही र पीडितलाई क्षतिपूर्ति दिन अनेरास्‍ववियूको माग

काठमाडौँ : अनेरास्ववियू(क्रान्तिकारी)ले चितवनको राप्ती नगरपालिकाकी युवती सुजिता भण्डारीको मृत्यु प्रकरणको सत्य–तथ्य छानबिन गरी दोषीलाई कारबाही गर्न माग गरेको छ । मंगलबार क्रान्तिकारीका अध्यक्ष हरिकृष्ण गजुरेलले विज्ञप्तिमार्फत पीडित परिवारलाई उचित क्षतिपूर्तिसहित राहतको व्यवस्था गर्नसमेत माग गरेका छन् । 

आगामी दिनमा महिलाहरूमाथि हुने अपहरण, बलात्कार, हत्यालगायत कुनै पनि घटना देशैभर हुन नदिन सरकार र सम्बन्धित निकायसँग माग पनि विज्ञप्ति गरिएको छ । ९ दिनअघि घरबाट निस्किएकी राप्ती नगरपालिका–३ की २३ वर्षीया भण्डारीको शव आइतबार दिउँसो ब्रम्हस्थानी सामुदायिक वनको जंगलमा भेटिएको थियो ।