संसदका दुई समितिको बैठक बस्दै

काठमाडौँ- संघीय संसद्‌ अन्तरगतका दुई समितिको बैठक बस्दैछ ।

संघीय संसद्‌ सचिवालयका अनुसार अर्थ समिति र विधायन व्यवस्थापन समितिको बैठक बस्न लागेको हो ।

जसअनुसार अर्थ समितिको बैठकमा भन्सार सम्बन्धी कानूनलाई संशोधन र एकिकरण गर्न बनेको विधेयक, २०८० माथि सैद्धान्तिक छलफल हुनेछ ।

उपप्रधान तथा अर्थमन्त्री विष्णु पौडेल पुग्ने सो बैठक बिहान ११:०० बजे बोलाइएको छ भने विधायन व्यवस्थापन समितिको बैठक दिउँसो १:०० बजे बोलाइएको छ । 

सो बैठकमा पुरानै अजेन्डा तिलगङ्गा नेत्र विश्वविद्यालय विधेयक, २०८१ मा सरोकारवालासँग छलफल हुने सचिवालयले जनाएको छ ।