सहकारीको रकम अपचलन मुद्दा : आजबाट जाहेरवालाका अधिवक्ताको बयान

फाइल तस्बिर

पोखरा- सूर्यदर्शन सहकारी ठगी मुद्दामा आजबाट जाहेरीवाला तर्फका अधिवक्ताहरूको बयान सुरू हुने भएको छ ।

हिजोसम्म सो मुद्दामा थुनछेक बहस भएको र सो सकिएकाले आजबाट जाहेरीवाला तर्फका अधिवक्ताहरूको बहस सुरू हुन लागेको हो ।

कास्की जिल्ला अदालतका न्यायाधीश नीतिज राईको इजलासमा राष्ट्रिय स्वतन्त्र पार्टीका सभापति रवि लामिछानेसहितको मुद्दामा बहस भइरहेको छ ।
 
हिजो सरकारी वकिलका तर्फबाट न्यायाधिवक्ता कमला काफ्ले, सहायक न्यायाधिवक्ता शान्तिदेवी शर्मा, विपिनराज तिवारी, उपन्यायाधिवक्ता प्रकाश गौतम र नायब महान्यायाधिवक्ता सञ्जीवराज रेग्मी, सहायक न्यायाधिवक्ता सुजता पौडेलले बहस गरेका थिए ।

सरकारी वकिल कार्यालयका न्यायाधिवक्ताहरूको बहस सकिएपछि आजबाट जाहेरीवाला तर्फका अधिवक्ताहरूको बहस हुन लागेको कास्की अदालतका स्रेस्तेदार राजन खनालले जानकारी दिए ।