पेट्रोलियम पदार्थमा गरिएको मूल्यवृद्धि तत्काल फिर्ता लिन क्रान्तिकारीको माग

काठमाडौँ : अनेरास्ववियू(क्रान्तिकारी)ले पेट्रोलियम पदार्थमा गरिएको मूल्यवृद्धि तत्काल फिर्ता गर्न माग गरेको छ । कोभिडबाट सिङ्गो मुलुक नै आक्रान्त बनिरहेको र जनता रोग र भोकबाट ग्रसित भएको अवस्थामा गरिएको मूल्यवृद्धि तत्काल फिर्ता लिन क्रान्तिकारीले माग गरेको हो ।

अध्यक्ष हरिकृष्ण गजुरेलद्वारा जारी विज्ञप्ति पटक–पटक पेट्रोलियम पदार्थमा गरिएको मूल्यवृद्धिले नेपाली जनताको चुल्होसमेत नबल्ने स्थिति पैदा भएको तत्काल मूल्यवृद्धि फिर्ता नलिए सशक्त सङ्घर्षमा उत्रन बाध्य हुने चेतावनी पनि दिइएको छ ।