जब हवल्दार तिवारी सडकमा कुँचो लिएर पुगे...

काठमाडौँ- तपाइलाई काठमाडौँका सडकमा देखिने ट्राफिक प्रहरी देख्नसाथ दिमागमा कस्तो कुरा आउँछ ? सडकमा उभिएर सवारीसाधनको कागजपत्र परीक्षण वा चालकलाई कारबाही गर्ने भनेर आउँछ होला ।

तर काठमाडौँमै केही ट्राफिकमा हातमा जरिवानाका चिट देखिबाहेक कुँचो पनि हुन्छ भन्दा सबैलाई अचम्म लाग्न सक्छ  । हो यस्तै दृश्य देख्न सकिन्छ जहाा कागेश्वरी मनोहरा नगरपालिकाको मुख्य सडकमा ट्राफिक प्रहरी प्रभाग थलिका हवल्दार मनोज तिवारी सडक सफा गरिरहेका हुन्छन् । उनले पेशा मात्र नभइ आफ्नो कर्मले पनि परिचय बदलिदिएका छन् ।

सडकमा उँभिने उनी सडकमै कुँचो लिएर पुग्छन् । उनले देख्ने हरकोहीँ उनीबाट प्रभावित हुने गर्छन् ।

उनी आफ्नो पेशामा रहेर जिम्मेवारी मात्र पुरा गर्दैनन् । आफ्नो नियमित कर्तव्यसँगै अतिरिक्त समयमा समुदायप्रतिको आफ्नो जिम्मेवारी पुरा गर्छन् । कुँचोले सडक सफाइ गर्नु पनि आफ्नो जिम्मा रहेको उनी ठान्छन् ।

हवल्दार तिवारी आफ्नो नियमित जिम्मेवारीसँगै सडक सफाइमा लागि परेका छन् । सडकमा गाडीबाट खसेका धूलो र माटोले सवारी आवागमनमा अवरोध सिर्जना गर्न सक्ने भएकाले उनी नियमित सडक सफाइ गर्छन् ।

उनको यो कार्यले केवल स्थानीयवासी र यात्रुहरूको मन जितेको छ, तर प्रहरीको भूमिकामा पनि नयाँ आयाम थपेको छ । स्थानीयवासीले यो प्रयासलाई उच्च सम्मान गर्दै भने,“यसले ट्राफिक प्रहरीको जिम्मेवारीप्रतिको लगनशीलता र समर्पणलाई झल्काउँछ। यो सबैका लागि प्रेरणाको स्रोत बन्न सक्छ।”

तस्वीरहरु : बिदुर गिरि