दुई संसदीय समितिको बैठक बस्दै

फाइल तस्बिर

काठमाडौँ- संघीय संसदका दुई वटा समितिको बैठक बस्दैछ । 

संसद सचिवालयका अनुसार ति दुई समितिको बैठक सिंहदरवारस्थित कार्यालयमा बस्नेछन् । 

जसअनुसार कानून, न्याय तथा मानव अधिकार समितिले मधेस, सुदुरपश्चिम, लुम्बिन प्रदेशका हिरासतमा रहेका कैदीबन्दीका बारेमा स्थलगत अध्ययनका बारेमा छलफल गर्नेछ । जुन बैठक बिहान ८:०० बजेदेखि सुरू हुनेछ ।

उता, विधायन व्यवस्थापन समितिको बैठकमा भने पुरानै अजेन्डा तिलगंगा नेत्र विश्वविद्यालय विधेयक, २०८१ को मस्यौदा प्रतिवेदनउपर छलफल गरिनेछ । जुन बैठक दिउँसो ३:३० बजेबाट सुरू हुनेछ ।