क्रिप्टो करेन्सीको कारोबार र अनलाइन ठगी गर्नेहरू पक्राउ

इकागज

माघ १८, २०८१ शुक्रबार १६:१८

फाइल फोटो

काठमाडौं - तीन अर्ब रुपैयाँभन्दा बढीको क्रिप्टो करेन्सी र अनलाइन ठगी गर्ने सातजना पक्राउ परेका छन् । प्रहरीको केन्द्रीय अनुसन्धान ब्युरो (सीआईबी)को टोलीले उनीहरूलाई पक्राउ गरेको हो ।

पक्राउ पर्नेहरूमा कैलालीको वर्दगोरीया–६ का माइकल डंगौरा, कैलालीकै अनिल विश्वकर्मा, काठमाडौंको बूढनीलकण्ठका पियुष श्रेष्ठ, दोलखाको भीमेश्वरका सत्यमकुमार सहनीसहित सातजना छन् ।

काठमाडौं । तीन अर्ब रुपैयाँभन्दा बढीको क्रिप्टो करेन्सी र अनलाइन ठगी गर्ने सातजना पक्राउ परेका छन् । प्रहरीको केन्द्रीय अनुसन्धान ब्युरो (सीआईबी)को टोलीले उनीहरूलाई पक्राउ गरेको हो ।

उनीहरूको साथबाट प्रहरीले विभिन्न ब्रान्डका मोबाइल १३ थान, विभिन्न व्यक्तिका नामका काटेको १९ थान चेक र नगद पाँच लाख ५० हजार रुपैयाँ बरामद गरेको छ ।प्रहरीको अनुसन्धानका क्रममा उनीहरूले संगठित रूपमा क्रिप्टो कारोबार तथा अनलाइन ठगी गर्ने गरेको खुलेको छ ।

उनीहरूले विभिन्न सामाजिक सञ्जालको प्रयोग गरेर अनलाइन ठगी गर्ने गरेको खुलेको सीआईबीका एसपी सुधीरराज शाहीले जानकारी दिए । उनीहरुमाथि थप अनुसन्धान जारी छ ।