कांग्रेसको प्रश्‍न : विपी प्रतिष्ठानको आन्दोलनप्रति प्रधानमन्त्रीको मौनता किन ?

काठमाडौँ :  नेपाली कांग्रेसले बिपी कोइराला स्वास्थ्य विज्ञान प्रतिष्ठानमा एक महिनादेखि जारी आन्दोलनका विषयमा प्रधानमन्त्री केपी ओली मौन बसेर गैरजिम्‍मेवार बनेको आरोप लगाएको छ । आन्दोलनरत चिकित्सक, विद्यार्थी तथा कर्मचारीलगायतसँग संवाद गरी उनीहरूको माग पूरा गर्नसमेत कांग्रेसले सरकारसँग माग गरेको छ ।  कांग्रेस प्रवक्‍ता विश्‍वप्रकाश शर्माले शुक्रबार विज्ञप्‍ति जारी गर्दै प्रतिष्ठान भित्रको अराजकता सार्वजनिक भएपछि त्यसको ढाकछोप नगरी आवश्यक समाधान गर्न प्रधानमन्त्रीलाई सुझाएका छन् । 

प्रतिष्ठानको कुलपति आफैँ प्रधानमन्त्री भए पनि आफ्नो दायित्व बिर्सिएर ओली मौन रहेको विज्ञप्‍तिमा उल्‍लेख छ । ‘प्रतिष्ठनको कुलपति हुनुको दायित्व र कर्तव्य पुरा नगरेर मौन बस्नु भनेको आफ्नो जिम्मेवारप्रतिको चरम गैरजिम्मेवार हो, ’ विज्ञप्‍तिमा भनिएको छ ।