सहमतिका लागि प्रयास गरिरहेका छौँ, सम्भवत आजै टुंग्याउँछौं : पोखरेल

काठमाडौँ : नेकपा एमालेको विवाद समाधानका लागि गठित कार्यदल बैठक मध्यान्‍न १२ बजेदेखि सिंहरबारमा जारी छ । केही बेरअघि बैठकस्‍थलबाट कार्यदल सदस्‍य शंकर पोखरेल बाहिरिएका छन् । बाहिरिने क्रममा सञ्‍चारकर्मीलाई एकदमै संक्षिप्‍त प्रतिक्रिया दिँदै उनले सहमतिका लागि प्रयास गरिरहेको बताए । 'सहमतिका लागि प्रयास गरिरहेका छौं । सम्भवत आजै टुंग्याउँछौं,' उनले भने । 

पार्टीभित्रको आन्तरिक विवाद मिलाउन गठित कार्यदलको बैठक यसअघि बुधबार र बिहीबार पनि बसेको थियो । त्यसअघि बुधबार बेलुकी प्रधानमन्त्री तथा एमाले अध्यक्ष केपी शर्मा ओली र वरिष्ठ नेता माधवकुमार नेपालबीच छलफल भएको थियो । तर सहमति जुट्न सकेन । बिहीबार बिहान र बेलूकी बैठक बसेपनि शुक्रबारलाई बस्ने गरी सकिएको थियो ।

कार्यदलमा माधव नेपाल समूहबाट भीम रावल, सुरेन्द्र पाण्डे, घनश्याम भुसाल, रघुजी पन्त र गोकर्ण बिष्ट छन् । यस्तै ओली समूहबाट सुवास नेम्वाङ, विष्णु पौडेल, शंकर पोखरेल, प्रदीप ज्ञवाली र विष्णु रिमाल सदस्य छन् ।