ट्रम्पले लगाए महिला खेलकुदमा तेस्रोलिङ्गी रोक

फाइल तस्बिर

काठमाडौँ- अमेरिकी राष्ट्रपति डोनाल्ड ट्रम्पले महिला खेलकुदमा तेस्रो लिङ्गीलाई प्रवेशमा रोक लगाएका छन् । उनले यससम्बन्धी कार्यकारी आदेशमा हस्ताक्षर गरेका छन् ।

डोनाल्ड ट्रम्पले ताली बजाउँदै भने, ‘हामी महिला खेलाडीहरूको गौरवपूर्ण परम्पराको रक्षा गर्नेछौं र हामी पुरुषहरूलाई हाम्रा महिला र केटीहरूलाई पिट्न, चोट पुर्‍याउन र धोका दिन दिने छैनौं।’ अबदेखि महिला खेलकुद महिलाका लागि मात्र हुनेछ ।

यसअघि पनि डोनाल्ड ट्रम्प सत्तामा फर्कने बित्तिकै उनले ट्रान्सजेन्डरहरू विरुद्ध अवश्य कारबाही गर्ने स्पष्ट पारेका थिए। यो आदेशमा हस्ताक्षर गरे पछि डोनाल्ड ट्रम्पले अब महिला खेलकुदमा ट्रान्सजेन्डर नहुने बताएका छन् । उनले भने, ‘यो झगडा अब पूर्ण रूपमा समाप्त भयो भनेर विचार गर्नुहोस्।’

अमेरिकी राष्ट्रपतिले ह्वाइट हाउसमा दर्जनौं बालबालिका र महिला खेलाडीको बीचमा हुँदा यी कुरा भनेका हुन् । यस अवसरमा डोनाल्ड ट्रम्पले भने, ‘महिला एथलीटहरूको गौरवपूर्ण परम्पराको रक्षा गर्नेछौं, र हामी पुरुषहरूलाई हाम्रा महिला र हाम्रा केटीहरूलाई पिट्न, चोट पुर्‍याउन र धोका दिने अनुमति दिँदैनौं। अबदेखि महिला खेलकुद महिलाका लागि मात्र हुनेछ ।’