दोस्रो एकदिवसियमा इंगल्यान्डको खराब सुरुवात

काठमाडौँ : पाकिस्तानसँगको दोस्रो एकदिवसिय क्रिकेटमा इंगल्यान्डले खराब सुरुवात गरेको छ । लड्समा टस हारेर पहिले ब्याटिङ गरेको इंगल्यान्डले दुई जना ब्याट्सम्यान सस्तैमा गुमाएको छ । 

डेभिड मालन र ज्याक क्रुली खाता खोल्न नसकी आउट भएपछि इंग्ल्यान्डको सुरुवात खराब भएको हो । मालन ओपनिङमा आउँदा खाता खोल्न नसकी आउट भए । यो समाचार बनाउँदासम्म इंगल्यान्डले १४ ओभरको खेल सकिदा २ विकेट गुमाएर १०५ रन बनाएको छ ।

उसका लागि फिल साल्ट र जेम्स भिन्सले अर्धशतक बनाएका छन् । पाकिस्तानका हसन अलि र शहिन अफ्रिदीले एक एक विकेट लिएका छन् । वर्षाले प्रभावित खेल ४७ ओभरमा घटाइएको छ । यसअघि भएको पहिलो एकदिवसियमा इंगल्यान्ड विजयी भएको थियो ।