भोलि सुखद समाचार सुन्‍न पाइन्छ : गोकर्ण बिष्ट

काठमाडौं : नेकपा एमालेका युवा नेता गोकर्ण बिष्टले भोलि सुखद समाचार सुन्न पाइने बताएका छन् । शनिबार सिंहदरबारमा भएको एमाले कार्यदलको बैठकबाट बाहिरिने क्रममा नेता बिष्टले भोलि पार्टी एकताका लागि सहमति हुने संकेत गर्दै सुखद समाचार सुन्न पाइने बताएका हुन् । 

एमाले एकताका लागि प्रधानमन्त्री तथा अध्यक्ष केपी शर्मा ओली र वरिष्ठ नेता माधवकुमार नेपाल गम्भीर हुनुपर्ने बताउँदै उनले नेताहरु मिल्नुको विकल्प नभएको बताएका हुन् । नेताहरुबीच विश्वासको वातावरण बन्दै गएको भन्दै उनले कार्यदलमा सहमतिका लागि अन्तिम प्रयास भइरहेको पनि जानकारी दिए ।

शनिबार बेलूकी सिंहदरबारमा एमाले कार्यदलको बैठक सुरु भएपनि त्यसको केही समयमै वरिष्ठ नेता माधव नेपाल समूहका नेताहरु बाहिरिएका थिए ।