पाकिस्तानविरुद्धको एकदिवसिय सिरिज इंगल्यान्डले जित्यो

काठमाडौँ : पाकिस्तानसँगको तीन खेलको एकदिवसिय सिरिज इंगल्यान्डले जितेको छ । शनिबार लड्समा दोस्रो एकदिवसियमा ५२ रनको जित निकालेसँगै इंगल्यान्डले एक खेल अगावै सिरिज २-० ले आफ्नो पक्षमा पारेको हो ।

टस हारेर पहिले ब्याटिङ गरेको इंगल्यान्डले वर्षाले प्रभावित ४७ ओभरमा सबै विकेट गुमाएर २४७ रन बनाएको थियो । उसका लागि फिल साल्टले ६० र जेम्स भिन्सले ५६ रन बनाए । पाकिस्तानका हसन अलिले ५ विकेट लिए ।

२४८ रनको लक्ष्य पछ्याउँदै जवाफी ब्याटिङ थालेको पाकिस्तानले ४१ ओभरमा सबै विकेट गुमाएर १९५ रन मात्रै बनाउन सक्यो ।