अदालतलाई प्रभावित पार्ने शब्द मान्य छैन : नेपाल

फाइल तस्बिर

काठमाडौं : एमाले वरिष्ठ नेता माधवकुमार नेपालले सर्वोच्च अदालतमा विचाराधिन रिटलाई प्रभावित पार्ने कुनै पनि सम्झौता नगर्ने बताएका छन् । बिहान आफ्‍नो समूहका कार्यदल सदस्यहरूसँग नेता नेपालले अदालतमा विचाराधिन रिटलाई प्रभावित पार्ने कुनै पनि सम्झौता नगर्ने बताएका हुन् ।

कार्यदलका सदस्यहरू सहमतिका लागि तयार पारेको मस्यौदामा नेपालको सहमति खोज्‍न बिहान नेपाल निवास पुगेका थिए । मस्यौदामा अदालतमा विचाराधिन रिट प्रभावित पार्ने शव्दावलीमा सम्झौता नगर्ने भन्दै फर्काएका हुन् । 

शनिबार कार्यदलले तयार पारेको मस्यौदामाथि सहमति जुटाउन आफ्नो निवासमा आएका आफ्‍नो समूहका कार्यदल सदस्यहरूलाई शब्दावलीमा असहमति जनाएर फिर्ता पठाएका हुन् । 

कार्यदलको बैठक सिंहदरबारमा बसिरहेको छ । नेपाल निवासमा पुगेका एक कार्यदल सदस्यले भने, 'उहाँले शव्दावलीमा असन्तुष्टी जनाउनुभयो । सच्याउन भन्नुभएको छ । हामीले त्यो विषय कार्यदल बैठकमा राखेका छौं ।'

आफ्‍नो अडानमा टसमस नगर्ने नेपालले बताउँदै आएका छन् ।