भारतले न्यूजिल्याण्डलाई दियो २५० रनको लक्ष्य

काठमाडौँ - भारतले न्यूजील्याण्डलाई २५० रनको लक्ष्य दिएको छ । जारी च्याम्पियन्स ट्रफी अन्तर्गत समूह चरणको अन्तिम खेलमा भारतले टस हारेर पहिला ब्याटिंग गर्दै ५० ओभरमा ९ विकेट गुमाएर २४९ रन बनाएको हो ।

भारतका लागि श्रेयस अय्यरले सर्वाधिक ७९ रन बनाए भने हार्दिक पाण्डेयले ४५ रन बनाएका थिए । त्यसैगरी अक्सर पटेलले ४२, केएल राहुलले २३ र रविन्द्र जडेजाले १६ रन बनाएका थिए ।

त्यसैगरी न्यूजील्याण्डका बलर माट हेनरीले सर्वाधिक ५ विकेट लिएका थिए ।   

भारत र न्यूजिल्याण्ड सेमिफाइनलमा पुगिसकेकाले यस खेलको नतिजाले समूह ए को विजेता र उपविजेताको तय गर्ने छ ।