राष्ट्रपतिलाई पनि एक मिनेट सत्तामा बस्ने नैतिकता छैन : बाबुराम भट्टराई

काठमाडौँ  : जनता समाजवादी पार्टीका संघीय परिषद् अध्यक्ष डा.बाबुराम भट्टराईले प्रतिनिधि सभा पुनःस्थापना गरेर देशमा लोकतन्त्रको रक्षा गरेको बताएका छन् । इकागजसँग कुरा गर्दै डा.भट्टराईले प्रधानमन्त्रीले तत्काल राजीनामा दिएर मार्ग प्रशस्त गर्नुपर्ने बताएका हुन् । उनले राष्ट्रपति विद्यादेवी भण्डारीको नैतिकतामा प्रश्न उठाउँदै तत्काल राजीनामा दिनुपर्ने बताए । 

‘सबैभन्दा पहिले त अदालतको फैसला अनुसार शेरबहादुर देउवालाई प्रधानमन्त्री नियुक्त गर्नुपर्याे,’ उनले भने, ‘उहाँहरुले नैतिकताका आधारमा राजीनामा दिएरअघि बढ्नु भएन भने जनता सांसदले विवेक पुर्याउनुपर्छ । पटक–पटक संविधान उल्लंघन गर्ने राष्ट्रपतिले नैतिकता भए राजीनामा दिइहाल्नुपर्छ ।’