संविधान र लोकतन्त्रको मूल मर्मभन्दा बाहिरको फैसला आयो : प्रदीप ज्ञवाली

काठमाडौँः नेकपा एमालेका प्रवक्ता प्रदीप ज्ञवालीले सर्वोच्च अदालतले शक्ति पृथकीकरणको सिद्धान्तलाई खल्बलाउने काम गरेको टिप्पणी गरेका छन् । प्रतिनिधि सभा पुनर्स्थापना गर्ने सर्वोच्चको फैसलापछि संक्षिप्‍त प्रतिक्रिया दिँदै अदालतले राजनीतिक प्रकृतिको फैसला गरेको प्रतिक्रिया दिए । 

‘अदालतको फैसलाले शक्ति पृथकीकरणको जगलाई खल्बलाउने काम गरेको छ,’ उनले भने, ‘अदालतले संविधान र त्यसको मूल मर्मलाई ख्याल गरेर गर्नुपर्थ्यो । फैसला राजनीतिक खालको छ । संविधानको मूल मर्म र लोकतन्त्रको मर्मभन्दा बाहिरको फैसला आएको छ । यसपछि लोकतान्त्रिक मुलुकको भविष्य के होला भनेर चिन्तित छौँ ।' उनले प्रधानमन्त्री नियुुक्त गर्ने अधिकार अदालतलाई नभइ संसदलाई भएको पनि दोहोर्‍याए ।