बालेनले सहरी विकास मन्त्री सिंहलाई भनेः मलाई हराउने नाममा देश नहराउनू

काठमाडौँ- काठमाडौँ महानगरपालिका प्रमुख बालेन शाहले सहरी विकास मन्त्री प्रकाशमान सिंहलाई लक्षित गर्दै मलाई हराउने नाममा आफ्नो सहर र क्षेत्र देश नहराउन सुझाव दिएका छन् । आइतबार साँझ सामाजिक सञ्जालमा लेख्दै उनले गणेशमान सिंह,पीएल सिंह र नेपाली कांग्रेसको इतिहासमा नमिसाउन सुझाएका छन् ।

‘अव्यवस्थित बस्ती हटाउने, कपन खोलालाई व्यवस्थित गर्ने, बालमन्दिर बचाउने, सार्वजनिक सम्पत्ति जोगाउने प्रयास गर्ने कुरा सधैं कुरामै रह्यो। कहिले गर्ने हो?,’ उनले भनेका छन् ।