कुलमानलाई हटाएपछि कांग्रेस महामन्त्रीद्वयले गरे मध्यराति सरकारको विरोध

काठमाडौँ- नेपाल विद्युत् प्राधिकरणबाट कुलमान घिसिङलाई हटाउने सरकारको निर्णयको सत्तासाझेदारी दल नेपाली कांग्रेसका महामन्त्रीद्वय गगन थापा र विश्वप्रकाश शर्माले नै विरोध गरेका छन् । सोमबार सरकारले प्राधिकरणको कार्यकारी निर्देशकबाट घिसिङलाई हटाएर हितेन्द्रदेव शाक्यलाई नियुक्त गरेसँगै कांग्रेसका महामन्त्रीले विरोध गरेका हुन् ।
‘यस्तो बेला सरकारको डेलिभरीबाट त्यो असन्तुष्टिलाई सम्बोधन गर्दै आगो नै निभाइदिऊ भनेर हामी दिन रात नभनी मेहनत गर्ने सरकार चाही आफैँ असन्तुष्टिको आगोमा मट्टितेल हाल्ने काम गर्ने ?' महामन्त्री थापाले फेसबुकमा लेखेका छन् ।
'आम नागरिकमा असन्तुष्टि बढ्दो छ' थापाले लेखेका छन् 'त्यही असन्तुष्टिको तावामा स्वार्थको रोटी सेक्न उद्धत एउटा तप्का सलबलाइरहेको छ। हामीले यस्तो नगरौँ है भन्दा सुनेको जस्तो पनि गर्ने तर निर्णय फेरि यस्तो गलत गर्ने ?'
'मन्त्रीहरूले बाटो बिराउँदा प्रधानमन्त्रीले समाल्नु पर्ने हो.. तर विडम्बना त्यो भएन, निर्णय गलत छ,सरकार! उल्टो बाटो हिँडेर सही गन्तव्य पुगिँदैन' थापाले लेखेका छन् ।
त्यस्तै कांग्रेसका अर्का महामन्त्री शर्माले घिसिङलाई पदबाट हटाउन कांग्रेस पदाधिकारी तहको सहमति नभएको दाबी गरेका छन् ।
‘कारबाहीयोग्य केही भए, पछि पनि गर्न मिल्थ्यो । केही राम्रा प्रयास छायामा पार्ने गरी सरकारले कुलमान हटाउनु हुन्न थियो । सरकारको यो निर्णय समयोचित विल्कुलै भएन । यसप्रति खुला र प्रस्ट रूपमा विमति छ’, शर्माले लेखेका छन् ।

प्रतिपक्ष दलले शिक्षकको आन्दोलनलाई राजनीतिक रङ्ग दिएः सचेतक बर्तौला

भारत नेपालको व्यवस्थालाई उल्टाउने पक्षमा छैनः डा. भट्टराई

‘स्वास्थ्य क्षेत्रका समस्या समाधान गर्न मिलेर काम गरौँ’

श्रम संसार पोर्टलले सही सुचना सम्प्रेषण गर्छ: श्रम मन्त्री भण्डारी

राष्ट्रपतिबाट शुक्रबार आगामी आवको नीति तथा कार्यक्रम प्रस्तुत हुने

वर्तमान शासन व्यवस्थाको विकल्प छैन : प्रचण्ड

रबि लामिछाने र रबिन्द्र मिश्रलाई प्रतिशोधपुर्ण रूपमा थुनियोः मनिष झा

प्रतिक्रिया