भरतपुरका विद्युत्‌ हाकिमलाई कुटे एमाले कार्यकर्ताले

चितवन- नेपाल विद्युत्‌ प्राधिकरण भरतपुर वितरण केन्द्रका प्रमुख रामु श्रेष्ठमाथि आक्रमण भएको छ । 

केन्द्रको डिजिटल डिस्प्ले बोर्डमा प्रधानमन्त्री केपी शर्मा ओलीको विषयमा आपत्तिजनक शब्द राखिएको भन्दै अज्ञात समुहले केन्द्र प्रमुख श्रेष्ठमाथि आज बिहान कार्यकक्षभित्रै आक्रमण गरेको हो । 

आक्रमणबाट कम्प्युटर, टेबललगायतका सामान फुटेका छन् । १३–१४ जनाको समूहले प्रमुख श्रेष्ठमाथि आक्रमण गरेको विद्युतका कर्मचारीहरूले बताएका छन् । कर्मचारीहरूले संयुक्त विज्ञप्तस जारी गरि घटनाको निन्दा गरेका छन् ।