एमाले निकट युवा संघले भन्योः बालेनलाई कानुनी कठघरामा ल्याउनू

काठमाडौं- काठमाडौँ महानगर कमिटीको नेकपा एमाले निकट राष्ट्रिय युवा संघले काठमाडौं महानगरपालिका मेयर बालेन्द्र शाहलाई पक्राउ गर्न माग गरेको छ । मंगलबार एक विज्ञप्ति जारी गर्दै संघले सामाजिक सञ्जालमार्फत समाज भाँड्ने अभिव्यक्तिहरू दिएको भन्दै बालेनलाई कानुनी कठघरामा उभ्याउन माग गरेको हो ।

मेयर बालेनको ‘टुकुचामा गाड्दिन्छु’ लाई लिएर संघले आपत्ति जनाएको छ । 

“आफ्नो पदीय जिम्मेवारी भुलेर पब र क्लबहरूमा रमाउँदै सस्तो लोकप्रियता र सामाजिक सञ्जालमा लाइक बटुल्नका लागि यस्ता स्तरहीन अभिव्यक्ति नदिन र तथ्यलाई अतिरन्जित गरी समाजलाई भड्काउने अभिव्यक्ति नदिन हामी सचेत गराउँछौ र कहिले सिंहदरबारमा आगो लगाउँछु त कहिले टुकुचामा गाड्छु जस्ता आपत्तिजनक अभिव्यक्ति दिने मेयरलाई कानुनी कठघरामा उभ्याउनका लागि सरोकारवाला निकायसँग जोडदार माग गर्दछौँ,” संघका अध्यक्ष दिपेश सुधाकारद्वारा हस्ताक्षर विज्ञप्तिमा भनिएको छ ।