१३ सय बढीको सहभागीतासहित नेपाल-भुटानका  रोटरीयनहरुको कन्फ्रेन्स सम्पन्न

रोटरी इन्टरनेशनल डिस्ट्रिक्ट ३२९२ (नेपाल-भुटान) को १७ औ डिस्ट्रिक्ट कन्फेरेन्स ललितपुरको द प्लजामा सम्पन्न भएको छ । चैत्र आठ, नौ र दश गते गरि तीन दिनसम्म चलेको उक्त सम्मेलनमा १५५ क्लबका १३ सय भन्दा बढी रोटरियनहरुको सहभागिता रहेको थियो । 

सम्मेलनलाई सम्बोधन गर्दै ललितपुर महानगरपालिकाका मेयर चिरिबाबु महर्जनले रोटरीले नेपालको शिक्षा, स्वास्थ्य, स्वरोजगार लगायतका क्षेत्रमा दिएको योगदानको प्रशंसा गरे । 

रोटरी  इन्टरनेशनल प्रेसिडेन्ट रिप्रिजेनटेटिभ बेबी जोसेफको प्रमुख अतिथि रहेको कार्यक्रममा भारतका पुर्व डिस्ट्रिक्ट गभर्नर भि.के. माधव मोहन कि नोट स्पिकर रहेका कन्फ्रेन्स आयोजक कमिटीका अध्यक्ष मधुसूदन आचार्यले बताए ।

सम्मेलनमा रोटरीमा महिला नेतृत्व, युवा सहभागिता, रोटरीमार्फत सञ्चालित परियोजना र तीनको प्रभाव, सदस्यताको वर्तमान अवस्था र आगामी मार्गचित्र, द रोटरी फाउण्डेशनको महत्त्व, मानसिक स्वास्थ्य देखि रोटरीको सार्वजनिक छविका सन्दर्भमा रोटरीभित्र र बाहिरका वक्ताहरूले धारणा सम्मेलनमा राखेको रोटरी इन्टरनेशनल डिस्ट्रिक्ट ३२९२ का डिस्ट्रिक्ट गभर्नर राजेन्द्रमान सेरचनले जानकारी दिए ।

कार्यक्रममा प्रत्येक वर्ष प्रदान गरिने २० लाख राशिको गोपाल कमला राज भण्डारी भोकेसनल एक्सिलेन्स अवार्ड बुटवलको खेतिपाती अर्ग्यानिकलाई प्रदान गरिएको छ । त्यस्तै एक लाख राशीको पुरस्कार निहारिका श्रेष्ठ र मन्जु कार्की लामिछानेलाई प्रदान गरिएको छ ।

अब अठारौं कन्फ्रेन्स अगामी बर्ष फागुन ७ देखि ९ सम्म पोखरामा आयोजना गरिने डिस्ट्रिक्ट गभर्नर इलेक्ट बिनोद कोइरालाले जानकारी दिए ।