अमेरिकी दूतावासले भन्यो : भिसा लिन नक्कली कागजात पेस गरे अमेरिका प्रवेशमा आजीवन प्रतिबन्ध

काठमाडौँ- नेपालस्थित अमेरिकी दूतावासले भिसा लिनका लागि गलत विवरण वा नक्कली कागजात पेस गरेमा अमेरिका प्रवेशमा आजीवन प्रतिबन्धका साथै आपराधिक मुद्दा लाग्न सक्ने चेतावनी दिएको छ। बुधबार अमेरिकी दूतावासले सूचना जारी गरी अमेरिकी भिसा लिन गलत विवरण पेश गरेमा अमेरिका प्रवेशमा आजीवन प्रतिबन्ध लाग्न सक्ने जनाएको छ ।

'के तपाईंलाई थाहा छ? कन्सुलर अधिकृतहरू ठगी र नक्कली कागजातसम्बन्धी पछिल्ला घटनाका प्रवृत्ति र प्रविधिका बारे जानकारी राख्छन्। यदि तपाईंले गलत विवरण दिनुभयो वा नक्कली कागजात पेश गर्नुभयो भने तपाईं स्थायी रूपमा अमेरिका प्रवेशमा आजीवन प्रतिबन्धित तथा आपराधिक मुद्दाको जोखिममा पर्नुहुन्छ,' सूचनामा उल्लेख छ ।