राजावादीको समूहले गरे एकीकृत समाजवादीको कार्यालयमा तोडफोड

काठमाडौँ- आन्दोलनकारीले आलोकनगरस्थित एकीकृत समाजवादी पार्टी कार्यालय तोडफोड गरेका छन् । बानेश्वर-तीनकुने सडकखण्डमा राजावादीको प्रदर्शन भएपछि आन्दोलनकारीले एकीकृत समाजवादी पार्टीको केन्द्रीय र काठमाडौँ जिल्ला कार्यालय तोडफोड गरिएको इकागज संवाददाता जीवन कुँवरले जानकारी दिए ।

शुक्रबार दुर्गा प्रसाईको समूह राजावादीले राजतन्त्र पुनःस्थापना गर्ने भन्दै तीनकुने तथा एकीकृत समाजवादीको कार्यालय अगाडि झडप भइरहेको छ ।

त्यसैगरी, राजावादीहरूको प्रदर्शन हिंस्रक भएको छ। तीनकुनेमा जम्मा भएर बानेश्वरतर्फ अघि बढेको जुलुसले निषेधित क्षेत्र तोडन खोजे पछि प्रदर्शन हिंस्रक भएको हो ।

स्थितिलाई नियन्त्रण लिन प्रहरीले लाठीचार्ज र अश्रुग्याँस प्रहार गरेको छ । झन्डै एक घन्टा देखि जारी झडप अझै नियन्त्रणमा आउन  सकेको छैन्।प्रदर्शनकारीले तीनकुनेमा ब्यक्तिको घर तोडफोड गरेका छन् ।