राजावादीहरूले सुरक्षाकर्मीहरूलाई आपराधिक क्रियाकलापको भारी बोकाए : महासचिव पोख्रेल

काठमाडौँ- नेकपा एमालेका महासचिव शंकर पोख्रेलले राजावादीहरूले सुरक्षाकर्मीलाई आपराधिक क्रियाकलापको भारी बोकाएर पानीमुनीको ओभानो बन्न खोजिरहेको आरोप लगाएका छन् ।

आइतबार उनले सामाजिक सञ्जालमा लेख्दै 'जनकमाणडर' तोकिएका दुर्गा प्रसाईद्वारा परिचालित गरिएका हुल्लडवाजहरुले गरेको आपराधिक क्रियाकलापको भारी सुरक्षाकर्मीलाई वोकाएर पानीमुनीको ओभाने बनेकाले खुला समाजमा सबै छर्लङ्ग रहेको उनले टिप्पणी गरेका हुन् ।

राजावादी र पूर्व पंचहरुले यो सबै अपराधको भारी दुर्गा प्रसाई र उनका अनुचरलाई बोकाएर उम्कन खोजेको र थोरै भए पनि विश्वास गर्थे होला नेपाली जनताले,' उनले भनेका छन्,'  घटना घटेको दिनसम्म राप्रपाको संस्थापनपक्षलाई लागेको त यस्तै थियो । तर निर्मल निवासको 'थ्रेट'का सामु उनीहरु निरही देखिए र भन्न थाले 'प्रहरी दमनको प्रतिरोध गरेका हुन् आन्दोलनकारीले ।'