तीनकुने घट्ना प्रकरणः राप्रपा नेता मिश्र र राणासहित ११ जनालाई ५ दिनको म्याद थप

काठमाडौँ- राप्रपा वरिष्ठ उपाध्यक्ष रविन्द्र मिश्र, महामन्त्री धवलशमशेर राणालगायत ११ जनालाई काठमाडौँ जिल्ला अदालतबाट ५ दिनको म्याद थप भएको छ । 

आइतबार उनीहरुलाई बयानपछि अनुसन्धानका लागि अदालतले थप ५ दिन थुनामा राख्न अनुमति दिएको प्रहरी परिसर काठमाडौंका एसपी तथा सूचना अधिकारी अपिलराज बोहोराले इकागजलाई जानकारी दिए ।

शुक्रबार काठमाडौंको तीनकुनेलगायत क्षेत्रमा राजावादीको आन्दोलनका क्रममा भौतिक संरचनामा तोडफोड, लुटपाट मच्चाएपछि राप्रपा नेताहरु र पूर्वराजा समर्थकहरुलाई प्रहरीले पक्राउ गरेको थियो । आन्दोलनका क्रममा एक पत्रकारसहित २ जनाको मृत्यु, दर्जनौं प्रहरी र प्रदर्शनकारी घाइते भएका थिए ।